தொழிலாளர் நலம்

கட்டுமானத் தொழிலாளர்கள், கொத்தனார்கல், தச்சர்கள், பெயிண்டர்கள், பிளம்பர்கள், எலக்ட்ரீஷியன்கள் அரசு நல வாரியத்தில் பதிவு செய்து ஓய்வூதியம், விபத்துக் காப்பீடு மற்றும் கல்வி உதவிகளைப் பெறலாம்.

ஆன்லைனில் பதிவு செய்ய (வேகமானது):

• தமிழ்நாடு உடலுழைப்புத் தொழிலாளர்கள் சமூகப் பாதுகாப்பு வாரிய போர்ட்டலுக்குச் (tnuwwb.tn.gov.in↗) செல்லவும்.
• 'புதிய உறுப்பினர் பதிவு' என்பதைத் தேர்வு செய்து, ஆதார் எண் மூலம் உள்நுழையவும்.
• தனிநபர் விவரங்கள், தொழில் விவரம், குடும்ப உறுப்பினர்கள் மற்றும் வங்கிக் கணக்கு விவரங்களை உள்ளிடவும்.

தேவையான ஆவணங்கள்:

• தொழிலாளர் 18 முதல் 60 வயதுக்குட்பட்டவராக இருக்க வேண்டும்.
• கட்டுமானத் தொழிலில் 90 நாட்கள் பணிபுரிந்ததற்கான முதலாளி அல்லது பதிவு பெற்ற தொழிற்சங்கச் சான்றிதழ்.
• விண்ணப்பதாரரின் ஆதார் அட்டை மற்றும் குடும்ப அட்டை.
• வங்கிக் கணக்குப் புத்தகத்தின் முதல் பக்க நகல் (Aadhaar Seeded Bank Account).
• பாஸ்போர்ட் அளவு புகைப்படம்.

நேரடியாகப் பதிவு செய்ய:

• மாவட்ட தொழிலாளர் நல அலுவலர் அலுவலகம் அல்லது இ-சேவை மையம் மூலமாகவும் விண்ணப்பிக்கலாம்.

கல்வித் தகுதிகளை மாவட்ட வேலைவாய்ப்பு அலுவலகத்தில் பதிவு செய்து பதிவு மூப்பு (Seniority) அடிப்படையில் அரசுப் பணிகளுக்கான பரிந்துரையைப் பெறலாம்.

ஆன்லைனில் பதிவு மற்றும் புதுப்பித்தல்:

• வேலைவாய்ப்புத் துறையின் அதிகாரப்பூர்வ தளத்திற்குச் (employmentexchange.tn.gov.in↗) செல்லவும்.
• புதிய பயனராகப் பதிவு செய்து, 10, 12, பட்டயப் படிப்பு, இளநிலை/முதுநிலைப் பட்டங்களைச் சேர்க்கவும்.
• பதிவு எண் மற்றும் பதிவு அடையாள அட்டை (Employment Card) உடனடியாகத் திரையில் தோன்றும்.

பதிவு புதுப்பித்தல் (Renewal):

• 3 ஆண்டுகளுக்கு ஒருமுறை வேலைவாய்ப்புப் பதிவை ஆன்லைனில் புதுப்பிக்க வேண்டும்.
• குறித்த தேதி தவறிவிட்டால் 3 மாத காலம் கூடுதல் சலுகைக்காலம் (Grace Period) வழங்கப்படும். தவறினாலும் அரசு அறிவிக்கும் சிறப்புப் புதுப்பித்தல் வாய்ப்பைப் பயன்படுத்தலாம்.

தேவையான ஆவணங்கள்:

• அசல் மதிப்பெண் சான்றிதழ்கள் (10th, 12th, Degree mark sheets).
• பள்ளி/கல்லூரி மாற்றுச் சான்றிதழ் (TC).
• சாதிச் சான்றிதழ் (Community Certificate).
• ஆதார் அட்டை மற்றும் இருப்பிடச் சான்று.

தமிழ்நாடு கட்டுமானத் தொழிலாளர் மற்றும் உடலுழைப்புத் தொழிலாளர் நல வாரியங்களில் பதிவு பெற்ற உறுப்பினர்களுக்குப் பல்வேறு சமூகப் பாதுகாப்பு நலத்திட்ட உதவிகள் வழங்கப்படுகின்றன.

முக்கிய நலத்திட்ட உதவிகள்:

• மாதாந்திர ஓய்வூதியம்: 60 வயது பூர்த்தியடைந்த பெண் மற்றும் ஆண் தொழிலாளர்களுக்கு மாதம் ₹1,000 வாழ்நாள் ஓய்வூதியம்.
• திருமண உதவித்தொகை: ஆண் உறுப்பினருக்கு ₹3,000; பெண் உறுப்பினருக்கு ₹5,000 (உறுப்பினரின் மகன்/மகள் திருமணத்திற்கும் உதவித்தொகை உண்டு).
• மகப்பேறு உதவித்தொகை: பெண் தொழிலாளர்களுக்கு ₹6,000 முதல் ₹18,000 வரை நிதி உதவி மற்றும் கருச்சிதைவு நிவாரணம்.
• விபத்து மரண இழப்பீடு: பணியிட விபத்தில் மரணமடைந்தால் குடும்பத்திற்கு ₹5,00,000 வரை உடனடி நிவாரணம்.
• இயற்கை மரண நிவாரணம்: ₹20,000 மற்றும் ஈமச்சடங்கு செலவுக்கு ₹5,000.
• கல்வி உதவித்தொகை: உறுப்பினரின் குழந்தைகளுக்கு 10 ஆம் வகுப்பு முதல் பட்டப் படிப்பு வரை ₹1,000 முதல் ₹8,000 வரை கல்வி உதவி.

விண்ணப்பிக்கும் முறை:

• tnuwwb.tn.gov.in↗ போர்ட்டல் மூலம் உறுப்பினர் உள்நுழைந்து சான்றுகளுடன் நலத்திட்ட உதவிக்கு விண்ணப்பிக்கலாம்.